Լեհաստանի Աշխատանքի, ընտանիքի և սոցիալական քաղաքականության նախարարը որոշում է ընդունել, ըստ որի՝ ՀՀ քաղաքացիները կկարողանան շարունակել աշխատել Լեհաստանում պարզեցված ընթացակարգով:
ՀՀ քաղաքացիները, մասնավորապես, կկարողանան աշխատել Լեհաստանում հայտարարագրի հիման վրա, որը նրանց հնարավորություն է տալիս վիզայի հրավեր և ժամանակավոր բնակության թույլտվություն ստանալ, ինչպես նաև երկու տարի անընդմեջ ոչ սեզոնային աշխատանքի տեղավորվել։
Նույն իրավունքը կունենան նաև Բելառուսի, Մոլդովայի և Ուկրաինայի քաղաքացիները։
Հավելենք նաև, որ, ըստ նոր որոշման, Վրաստանի քաղաքացիները դեկտեմբերի 1-ից կզրկվեն այդ արտոնությունից։
