Արցախի պաշտպանության նախարարությունն ամփոփել է անցնող շաբաթվա իրավիճակը: Գերատեսչության տեղեկացմամբ՝ հունիսի 10-ից 16-ն ընկած ժամանակահատվածում արցախա-ադրբեջանական հակամարտ զորքերի շփման գոտում հակառակորդը հրադադարի պահպանման ռեժիմը խախտել է շուրջ 250 անգամ՝ հայ դիրքապահների ուղղությամբ արձակելով ավելի քան 2500 կրակոց: Բացի այդ՝ շաբաթվա ընթացքում հակամարտ զորքերի շփման գծի տարբեր հատվածներում նկատվել են ադրբեջանական բանակի կենդանի ուժի եւ զինտեխնիկայի տեղաշարժեր ու կուտակումներ: ՊԲ-ի առաջապահ զորամասերը շարունակում են լիակատար վերահսկողություն պահպանել առաջնագծում եւ ձեռնարկում իրավիճակից բխող անհրաժեշտ գործողություններ: