Ռուսական դիզվառելիքի նկատմամբ պատժամիջոցների կասեցումը Մոսկվային լրացուցիչ եկամուտներ է ապահովում պատերազմ վարելու համար։ Այս մասին հայտարարել է ԵՄ դիվանագիտական ծառայության ղեկավար Կայա Կալասը՝ հավելելով, որ հիմա Ռուսաստանի վրա ճնշումը թուլացնելու ժամանակը չէ, և Եվրոպան դա չի անի:
Նա հայտնել է, որ երկուշաբթի օրը ԵՄ ԱԳ նախարարները մտադիր են հաստատել պատերազմի սկզբից ի վեր Ռուսաստանին ուղղված պատժամիջոցների ամենածավալուն փաթեթը։
Ավելի վաղ ԱՄՆ նախագահ Դոնալդ Թրամփը շնորհակալություն էր հայտնել Ռուսաստանին՝ դիզելային վառելիք մատակարարելու համաձայնության համար։ ԱՄՆ ֆինանսների նախարարությունը ժամանակավորապես հանել էր ՌԴ-ի դեմ սահմանված պատժամիջոցները։
