Վեհափառի եղբայրը և եղբորորդին՝ Գևորգ և Համբարձում Ներսիսյանները, մեղավոր ճանաչվեցին։
Արմավիրի մարզի ընդհանուր իրավասության դատարանը՝ դատավոր Գևորգ Մանուկյանի նախագահությամբ, հրապարակել է Գևորգ և Համբարձում Ներսիսյանների գործով մեղադրական վերդիկտը՝ մեղավոր ճանաչելով նրանց ներկայացված մեղադրանքում։
Նշենք, որ, ըստ մեղադրանքի, Ներսիսյանները մեղադրվում են նախընտրական քարոզչությանը խոչընդոտելու մեջ։
Կաթողիկոսի եղբոր ու եղբորորդու դեմ հաղորդում էր տվել Վաղարշապատում «Հանրապետություն» կուսակցության համայնքապետի և ավագանու անդամի թեկնածու Հարություն Մկրտչյանը։
Գևորգ և Համբարձում Ներսիսյանների նկատմամբ կիրառված է վարչական հսկողություն, արգելված է շփվել վարույթում ներգրավված անձանց հետ։
Ներսիսյանները իրավունք չունեն լքել Վաղարշապատի Ոսկեհատ համայնքը։
