Այսօր էլ «հավատացյալ» բառի մեջ կա նեգատիվ ընկալում, որովհետև կան հավատացյալներ և կան ուղղակի նորմալ քաղաքացիներ, Հայաստանի աղոթքի երկրորդ նախաճաշին հայտարարեց վարչապետ Նիկոլ Փաշինյանը։
Նրա խոսքով՝ իր ընկալումը եղել և շարունակում է մնալ այն, որ ՀՀ քաղաքացին պետք է հավատա Աստծուն։
«Մարդը շատ ավելի մեծ հավանականությամբ կլինի բարեվարք, եթե հավատում է Աստծուն»,- ասաց Փաշինյանը։
Վարչապետը նաև նշեց, որ Աստծուն հավատացող մարդն ավելի քիչ խոցելի կլինի կոռուպցիոն ռիսկերի նկատմամբ։
«Մարդը շատ ավելի պակաս խոցելի կլինի կոռուպցիոն ռիսկերի նկատմամբ, եթե նա հավատում է Աստծուն։ Այսօր Հայաստանում խոսում ենք արդարության և արդարադատության պակասի մասին։ Արդարությանն ու արդարադատությանն ավելի նվիրված կլինի այն դատավորը, որը հավատում է Աստծուն»,- ասաց Փաշինյանը։
