Քիչ առաջ ԱԳՆ-ն հրապարակեց Հայաստանի և Ադրբեջանի միջև Խաղաղության և միջպետական հարաբերություններ հաստատելու մասին համաձայնագրի տեքստը։ Նիկոլ Փաշինյանը Ֆեյսբուքի իր էջում նույնպես հրապարակել է այդ փաստաթղթի տեքստը՝ կից գրելով հետևյալը․
«Ահա և Հայաստանի և Ադրբեջանի միջև Խաղաղության և միջպետական հարաբերություններ հաստատելու մասին համաձայնագրի տեքստը, որը նախաստորագրվեց Վաշինգտոնում։ Այս Համաձայնագիրը հուսալի և տևական խաղաղություն հաստատելու ամուր հիմք է, Հայաստանի և Ադրբեջանի միջև համաձայնության արդյունք, որն արտահայտում է երկու երկրների հավասարակշռված շահերը»։