Իրավիճակը Կուրսկի շրջանում վերցվել է վերահսկողության տակ, ընթանում է բնակավայրերի զտում, որտեղ դեռ հակառակորդի մնացորդներ կան, «Россия 1» հեռուստաալիքի եթերում հայտարարել է «Ախմատ» հատուկ նշանակության ջոկատի հրամանատար, ՌԴ ՊՆ գլխավոր ռազմաքաղաքական վարչության պետի տեղակալ, գեներալ-մայոր Ապտի Ալաուդինովը:
«Իրավիճակը (Կուրսկի շրջանում - խմբ.) վերցվել է վերահսկողության տակ։ Տարածքի մեծ մասը, որտեղ գտնվում էր հակառակորդը, արդեն ամբողջությամբ արգելափակված է։ Այն բնակավայրերը, որտեղ գտնվում է հակառակորդը, զտվում են, նա դուրս է մղվում այնտեղից»,- ըստ РИА Новости-ի՝ ասել է Ալաուդինովը։
