Փարաքարի համայնքապետ Դավիթ Մինասյանի նկատմամբ քրեական վարույթ է նախաձեռնվել քրեական օրենսգրքի 297-րդ հոդվածի 1-ին մասի հատկանիշներով՝ խուլիգանություն: Այս մասին այսօր՝ ապրիլի 8-ին, հայտնում են քննչական կոմիտեից:
Փարաքարի համայնքապետը հայհոյել է համայնքապետարանի Կրթության բաժնի պետ Նելլի Սողոյանին և սպառնալիքներ հնչեցրել նրա հասցեին: Վերջինս էլ դիմել է ոստիկանություն:
Քննչական կոմիտեից հայտնեցին, որ իրականացվում է նախաքննություն, ցուցմունք տված անձը համարվել է տուժող:
