Երևանի ընդհանուր իրավասության դատարանում կայացավ 44–օրյա պատերազմում զոհված զինծառայող Մխիթար Գալեյանի հոր` Գարիկ Գալեյանի գործով դատական նիստը։
Նիստից հետո Գարիկ Գալեյանի կինը Աստղ Գալեյանն ասաց. «Բոլորս էլ հասկանում ենք, որ ամեն ինչ կատարվում է դիտավորյալ, վարկաբեկելու, սևացնելու մեզ՝ զոհված զինծառայողների ծնողներիս»։
Նա համոզված է, որ քանի այս իշխանությունը կա, ոչ մի դրական տեղաշարժ պետք չէ ակնկալել։
Հիշեցնենք, որ 2023 թ. սեպտեմբերի 8-ին Գ. Գալեյանը ձերբակալվել էր: Նրան մեղադրանք է ներկայացվել երկու հոդվածով՝ խմբի կազմում խուլիգանության հատկանիշով և թմրամիջոց օգտագործելու կասկածանքով։
Երևանի ընդհանուր իրավասության քրեական դատարանը, դատավոր Մասիս Մելքոնյանի նախագահությամբ, 2023 թ. նոյեմբերի 2-ին կայացած նիստում վերացրել էր Գ. Գալեյանի նկատմամբ սահմանված կալանքը, որպես խափանման միջոց՝ կիրառելով գրավը՝ 2 միլիոն դրամի չափով, տնային կալանքը։
