Ռուսաստանի մաքսավորներն Անվտանգության դաշնային ծառայության (ԱԴԾ) աշխատակիցների հետ համատեղ Սանկտ Պետերբուրգի Մեծ նավահանգստում հայտնաբերել և առգրավել են կոկաինի խմբաքանակ` ավելի քան 1 200 կգ քաշով և 13 միլիարդ ռուբլի մոտավոր արժեքով։ Այդ մասին տեղեկացնում է ՏԱՍՍ գործակալությունը:
Հարուցվել է գործ առանձնապես խոշոր չափերով թմրամիջոցների մաքսանենգության վերաբերյալ։
«Կոկաինի խոշոր խմբաքանակի մաքսանենգությունը կասեցրել են Հյուսիս-արևմտյան մաքսային վարչության և Ռուսաստանի Անվտանգության դաշնային ծառայության Սանկտ Պետերբուրգի և Լենինգրադի մարզի վարչության աշխատակիցները Սանկտ Պետերբուրգի Մեծ նավահանգստի տարածքում: Առգրավվել է ավելի քան 1 200 կգ թմրանյութ, որի արժեքը սև շուկայում գերազանցում է 13 միլիարդ ռուբլին։ Այդ փաստով Բալթյան մաքսային ծառայությունը հարուցել է քրեական գործ», - ասված է հաղորդագրության մեջ։
Թմրանյութը հայտնաբերվել է սուրճի տոպրակների մեջ զննության սարքավորումների միջոցով, բեռը հասել է Բելգիայի Անտվերպեն նավահանգստից:
