Թուրքիայի նախագահ Ռեջեփ Էրդողանը հերթական անգամ մեղադրել է Արեւմուտքին եւ Եվրոպային անգործության մեջ՝ իրենց երկրներում «հակաիսլամական» տրամադրությունների աճի հետ կապված, գրում է Sabah-ը։

«Մահմեդականները շատ երկրներում, հատկապես՝ Եվրոպայում, ենթարկվում են ռասիստական, խտրական, իսլամաֆոբ եւ այլատյաց գործողությունների: Մարդու հիմնարար իրավունքներն ու ազատությունները, մահմեդական համայնքի ազատությունները սահմանափակող այսպես կոչված միջոցառումները տագնապալի են։ Թուրքիան գործադրում է բոլոր ջանքերը միջազգային հարթակներն օգտագործելու եւ այդ խնդիրների դեմ պայքարելու համար։ Որպես կազմակերպություն մենք պետք է միասին աշխատենք եւ ընդլայնենք մեր համագործակցությունն այս ոլորտում»,-ասել է նա։

Այս տարվա սկզբին Էրդողանը հայտարարել էր, որ արեւմտյան երկրները քայլեր չեն ձեռնարկում ընդդեմ «աճող հակաիսլամական տրամադրությունների»: Էրդողանը նաեւ կոչ է արել թուրքական կառույցներին քայլեր ձեռնարկել այդ երկրների մուսուլմաններին եւ թուրքերին առնչվող հարցերը լուծելու համար։