ՄԱԿ-ը աֆղանցի բժիշկներին ուղարկել է, ընդհանուր առմամբ, մոտ 8 մլն դոլար աշխատավարձ, գումարը հատկացվել է շրջանցելով «Թալիբան»-ին։ Եւս յոթ միլիոն հատկացվել է բժշկական հաստատությունների աշխատանքի այլ ծախսերի վրա, գրում է Reuters-ը։

«Ինչ-որ մեկը ստիպված էր դա անել երկրի ոչ միայն բժշկական, այլեւ ֆինանսական համակարգի փլուզման պայմաններում»,- լրագրողներին ասել է ՄԱԿ-ի տարածաշրջանային զարգացման գործակալության տնօրեն Կաննե Վինարաջան:

Հաղորդվում է, որ Աֆղանստանի 34 գավառներից 31-ում օգնություն է ցուցաբերվել ավելի քան 2200 բժշկական հաստատության։ Կանխիկ վճարումները նախատեսված են մոտ 2000 մարդու համար, քանի որ նրանք գտնվում են հեռավոր վայրերում եւ չեն կարող օգտվել ժամանակակից ֆինանսական գործիքներից։

ՄԱԿ-ը չի հայտնել, թե ինչպես են գումարները փոխանցվել Աֆղանստան։ Ինչպես ավելի վաղ հայտնի էր դարձել, Համաշխարհային բանկը չի վերսկսի աշխատանքը Աֆղանստանում, քանի դեռ երկրում չի կարգավորվել քաղաքական խնդիրը։ Խոսքը, մասնավորապես, կառավարության ճանաչման մասին է։