Թալիբները հայտարարել են Աֆղանստանում օտարերկրյա արժույթի օգտագործման ամբողջական արգելքի մասին, հայտնել է Reuters-ը։

«Երկրի տնտեսական իրավիճակը եւ ազգային շահերը պահանջում են, որ բոլոր աֆղանստանցիները առեւտրում օգտագործեն Աֆղանստանի արժույթը», — ասվում է թալիբների հայտարարության մեջ, որը լրագրողներին փոխանցել է նրանց ներկայացուցիչներից մեկը:

Աֆղանստանի շուկաներում լայնորեն տարածված է ԱՄՆ դոլարի օգտագործումը, մինչդեռ սահմանամերձ շրջաններում առեւտրի համար օգտագործում են հարեւան երկրների, օրինակ՝ Պակիստանի արժույթը։