Իրանի ԱԳՆ խոսնակ Սաեդ Ղաթիբզադեն ամենշաբաթյա ճեպազրույցի ժամանակ պատասխանել է մի շարք հարցերի՝ ընդգծելով, որ Իրանն իր ազգային անվտանգության հարցերի շուրջ զիջումների չի գնալու, գրում է «Մեհր» գործակալությունը։

Ղաթիբզադեն խոսել է նաև իրանական միջուկային կառույցների դեմ ռազմական գործողությունների շրջանակում Իսրայելի կողմից 1.5 մլրդ դոլարի հատկացմանը։

«Այս ռեժիմի էությունը ճգնաժամ և անկայունություն ստեղծելն է․․․ Սիոնիստական ռեժիմը քաջատեղյակ է Իրանի հնարավորություններին և իր ազգային անվտանգությունը պաշտպանելու կամքին: Իրանն իր ազգային անվտանգությանն առնչվող հարցերում փոխզիջումների չի գնա ոչ մեկի հետ»,- հավելել է դիվանագետը: