Հոկտեմբերի 25-ին Ադրբեջանի նախագահ Իլհամ Ալիևը և առաջին տիկին Մեհրիբան Ալիևան այցելել են Կուբաթլուի շրջան, որտեղ մասնակցել են նոր ճանապարհի հիմնարկեքի արարողությանը, գրում է minval.az-ը։

Ուղևորության շրջանակում Ալիևները մասնակցել են «Կուբաթլի» 110/35/10 կՎ ենթակայանի, ինչպես նաև նոր զորամասի բացմանը։

Հիշեցնենք, որ նոյեմբերի 9-ին Ռուսաստանի, Հայաստանի և Ադրբեջանի ղեկավարները Լեռնային Ղարաբաղում ռուս խաղաղապահների տեղակայման շուրջ պայմանավորվածություն են ձեռք բերել, ստորագրվել է հայտարարություն, որով Ադրբեջանին են անցնում Արցախի յոթ շրջանները, Շուշին ու Հադրութը` բացառությամբ մի գյուղի, գյուղեր Ասկերանի ու Մարտունու շրջանից, ինչպես նաև Մարտակերտի շրջանի Թալիշ և Մատաղիս գյուղերը։