Թուրքիայի նախագահ Թայիփ Էրդողանը համարում է, որ Մորթյո կոնվենցիային աջակցող նախկին ծովակալների հայտարարությունը պարունակում է պետական հեղաշրջման տարրեր եւ դուրս է գալիս կարծիք արտահայտելու ազատության սահմաններից:
Նրա խոսքով՝ Անկարան հակված է իրականացնել կոնվենցիայի դրույթները գոնե քանի դեռ «չի գտնվել համապատասխան փոխարինող»: Էրդողանի տեսանկյունից՝ սխալ է կապել Մորթյո կոնվենցիան եւ «Ստամբուլ» ջրանցքի շինարարության նախագիծը, որը «կուժեղացնի Թուրքիայի իրավունքները Բոսֆորի ինքնավարության շուրջ: «Նրանք, ովքեր դեմ են այդ նախագծին, մեր հանրապետության եւ Աթաթուրքի իրական թշնամիներն են»,-հայտարարել է նա, հաղորդում է ՏԱՍՍ-ը:
Ավելի վաղ Թուրքիայի իշխանությունները բերման են ենթարկել 10 պաշտոնաթող ծովակալի 85-ամյա ծովային համաձայնագրին աջակցող հայտարարությունները ստորագրելու համար, որը կարգավորում է Բոսֆորի եւ Դարդանելի նեղուցների օգտագործումը, այն հիմքով, որ նրանք մասնակցել են «սահմանադրական կարգի դեմ դավադրության մեջ»:
