Հարգելի պարոն Հախվերդյան, «Ամուլսարի հանք» նախաձեռնությունը Ամուլսարի հանքի համայնքների բազմաթիվ բնակիչների անունից հիսասթափություն է հայտնում երեկ Ամուլսար կատարած Ձեր այցի կապակցությամբ: Մենք բարձր ենք գնահատում Ձեր արվեստը և խիստ հիասթափված ենք, որ երեկ այցելելով մեր մարզ դուք այդպես էլ չեղաք մեր համայնքներից որևէ մեկում, ավելին Ձեր բացահայտ աջակցությունը ցուցաբերեցինք և այցելեցիք մեր համայնքները սոցիալական ծանր իրավիճակի հասցրած, վախի մթնոլորտում պահող, ապօրինություն իրականացնող մի խումբ անձանց:
Այնուամենայինիվ, մենք ուրախ ենք, որ հնարավորություն ունեցաք ինքներդ համոզվելու, որ մի քանի մարդկանցից կազմված խումբը չի ներկայացնում համայնքի մեծամասնությունը ու նրանց տրամադրությունները: Ձեր համերգի սակավամարդությունը, չնայած նախապես արված հայտարարությանը և հրավերին, ակնհայտ ապացույցն է այն բանի, որ այսօր այդ մարդիկ, ում դուք աջակցում եք, չեն ներկայացնում համայնքը, իսկ նրանց գործողությունները ընդունելի չէ համայնքների բնակիչների կողմից:
Մենք հուսով ենք, որ դուք կվերանայեք Ձեր դիրքորոշումը Ամուլսարի հարցում` ի շահ Ամուլսարի համայնքների հազարավոր բնակիչների և մենք հնարավորություն կունենաք ներկա գտնվելու Ձեր համերգին Ամուլսարի հանքի համայնքներից որևէ մեկում:
#Ամուլսար #Ամուլսարի_հանք #Ջերկուկ #Գնդեվազ #Սարավան #Գորայք #ամուլսարը_պետք_է_շահագործվի
