Օրերս Ծաղկաձորում տեղի ունեցած մահափորձի դեպքի առթիվ ՔԿ Կոտայքի մարզային քննչական վարչությունում հարուցվել է քրեական գործ` ՀՀ ՔՕ 34-104-րդ հոդվածի 1-ին մասի և 235-րդ հոդվածի 1-ին մասի հատկանիշներով։
«Փաստինֆո»-ի հետ զրույցում այս մասին ասաց ՔԿ տեղեկատվության և հասարակայնության հետ կապերի բաժնի պետի պաշտոնակատար Նաիրա Հարությունյանը։
Մամուլում շրջանառվող տեղեկությունների համաձայն` սեպտեմբերի 25-ին Ծաղկաձորի բնակիչներից մեկի առանձնատան բակի տեսախցիկը ֆիքսել է, թե ինչպես է դիմակավորված անձը ատրճանակի կրակոցներով փորձում վերջ տալ տղամարդու կյանքին: Վերջինիս կյանքը, սակայն, հաջողվել է փրկել։
Նաիրա Հարությունյանն ասաց, որ տղամարդը ճանաչվել է տուժող, իսկ մահափորձի զենքը դեռևս չի գտնվել։
« Ձեռնարկվում են անհրաժեշտ քննչական, օպերատիվ հետախուզական միջոցառումներ, դեպքի հանգամանքները պարզելու, առերևույթ հանցագործություն կատարած անձին հայտնաբերելու ուղղությամբ»,-ասաց Նաիրա Հարությունյանը։
00:00:00
