Հայաստանի Հանրապետական կուսակցության համամասնական ցուցակը գլխավոր, կուսակցության փոխնախագահ Վիգեն Սարգսյանը ֆեյսբուքյան գրառմամբ արփանագրել է, որ արտերկրից փոխանցվող գումարներ չեն հարկվելու: Նա սա որակել է որպես հակակշիռների առաջին հաղթանակ: Գրառումը ներկայացնում ենք ստորև. «Հակակշիռների առաջին հաղթանակը: «Հանրապետականի» հնչեցրած ահազանգի արդյունքում ծավալված քննարկումների արդյունքում ՊԵԿ-ը հայտարարել է, որ արտերկրից փոխանցվող գումարները չեն հարկվելու: Կառավարությունը փոխեց իր մտադրությունը: Հենց դա է հակակշռի ուժը: Դրա համար է անհրաժեշտ, որ ապագա խորհրդարանում լինեն հակակշիռ ուժեր: Բայց բանավոր խոստումը բավարար չէ: Պետք է ապահովենք, որ ընտրություններից հետո էլ նման անհեռանկար քաղաքականություն որդեգրելու նոր փորձ չգործադրվի: Արտերկիր աշխատանքի մեկնածները Հայաստանում ընտանիք են պահում, պետությունը պարտավոր է սատարել, ոչ թե խանգարել նրանց: Օրակարգում մնում են 150.000 աշխատատեղերի օպտիմալացում, նպաստների վերացում չթույլատրելու, տնտեսության գահավիժումը և գների հետագա աճը կանխելու, սահմանների անվտանգությունը պահպանելու և բազմաթիվ այլ հարցեր»: Հիշեցնենք, որ ավելի վաղ քննարկվում էր, որ նախագիծ կա ֆիզիկական անձանց համատարած հարկելու վերաբերյալ, սակայն ՊԵԿ-ից հայտարարեցին, որ նման նախագիծ չկա, ընդամենը քննարկում է եղել, և առանց հանրային աջակցության նման որոշում չի կայացվի: