Հայաստանի հանրապետական կուսակցության ներկայացուցիչները ԿԸՀ են ներկայացրել ՀՀԿ նախընտրական ցուցակը: Կարինե Աճեմյանը վստահություն հայտնեց, որ քաղաքացիները սպասում են ՀՀԿ-ի ծրագրին, և եթե քարոզարշավն ընթանա հավասար պայմաններում, այսինքն ՀՀԿ-ի վրա «ցեխ չշպրտվի», նրանք բազմաթիվ քվեներ կստանան։ ՀՀԿ համամասնական ցուցակը գլխավորում է կուսակցության առաջին փոխնախագահ, պաշտպանության նախկին նախարար Վիգեն Սարգսյանը: Նրան հաջորդում են Արփինե Հովհաննիսյանը, Դավիթ Շահնազարյանը, Վահրամ Բաղդասարյանը, Արմեն Աշոտյանը, Էդուարդ Շարմազանովը: Ցուցակում է նաև Մենուա Հարությունյանը։