Հայտնի է դարձել «Հանրապետություն» եւ «Ազատ դեմոկրատներ» կուսակցություններից ձեւավորված «Մենք» դաշինքի ընտրական ցուցակը: Ցուցակը գլխավորելու է «Հանրապետություն» կուսակցության առաջնորդ Արամ Զ. Սարգսյանը: Նրան կհաջորդեն «Ազատ Դեմոկրատների» նախագահ Խաչատուր Քոքոբելյանը, փոխնախագահ Անժելա Խաչատրյանը, «Հանրապետությունից» Արտակ Զեյնալյանը, Բորիս Նազարյանը։ Վերջինս ՀՀ նախկին գլխավոր դատախազներից է: Բորիս Նազարյանը Վազգեն Սարգսյանի եւ Արամ Սարգսյանի մտերիմներից էր, աշխատել է Արարատի մարզի դատախազ, եղել է  նաեւ վարչապետի խորհրդական։ Ցուցակի 6-րդ հորիզոնականում «Ազատ դեմոկրատներից» Մասիս Այվազյանն է, այնուհետեւ հաջորդում են Անահիտ Ադամյանը (անկուսակցական), Սոնա Մինասյանը (Ազատ դեմոկրատներ), Արա Կետիկյանը (Հանրապետություն, ԵԿՄ անդամ), իսկ տասնյակը եզրափակում է «Ազատ դեմոկրատներից» Արմեն Առաքելյանը: «Մենք» դաշինքից ռեյտինգային ընտրակարգով իր թեկնածությունը կառաջադրի նաեւ Վազգեն Բաղդասարյանը։   Վերջինս ֆեյսբուքյան իր էջում գրել է․ «Այսօր Հայաստանը կանգնած է կարևորագույն ընտրություններից մեկի առաջ։ Կարծում եմ՝ որ յուրաքանչյուրս պետք է մեր ակտիվ մասնակցությունը ունենանք այս ընտրություններում և ձևավորենք իրապես աշխատող ու հայրենիքի մասին մտածող Ազգային Ժողով։ Ելնելով այս հանգամանքից՝ որոշել եմ գալիք խորհրդարանական ընտրություններին մասնակցել «Մենք» դաշինքի կողմից՝ առաջադրվելով թիվ 5 ընտրատարածքում(Արարատի մարզ)։