Հոկտեմբերի 29-ին ոստիկանության Մասիսի բաժնում Սայաթ-Նովա գյուղի մի բնակչուհի հաղորդում է տվել, որ հոկտեմբերի 26-ին, գյուղում կորցրել է դրամապանակը, որի մեջ եղել է փող եւ «Արդշինբանկ» ՓԲԸ պլաստիկ քարտը՝ գաղտնաբառով: Կինը նշված բանկից տեղեկացել էր, որ հոկտեմբերի 27-ին, ժամը 12.10-ին, անհայտ անձն իր քարտով ՓԲԸ «Մասիս» մասնաճյուղի բանկոմատից գումար է կանխիկացրել: «Զինանոց 2018» օպերատիվ-կանխարգելիչ միջոցառման շրջանակներում, քրեական հետախույզները պարզել են, որ գողությունը կատարել է նույն գյուղի բնակիչ Ավագ Ա.-ն: Հարազատների հետ տարված բացատրական աշխատանքների շնորհիվ նոյեմբերի 2-ին կասկածյալը ներկայացել է ոստիկանության Մասիսի բաժին եւ տվել խոստովանական բացատրություն: Գողոնը հայտնաբերվել է: Փաստի առթիվ նախապատրաստվում են նյութեր: