ՊԵԿ նախագահ Դավիթ Անանյանը ՀՀԿ-ական Արամ Հախինյանին նշանակել էր Գուգարքի մաքսատան վարչության պետ, սակայն նա պաշտոնավարեց ընդամենը օրեր։ Նրա փոխարեն Գուգարքում նշանակվեց Զվարթնոցի մաքսատան պետ, Ռոբերտ Քոչարյանի հետ հեռավոր բարեկամական կապեր ունեցող Մելքոն Աղաջանյանը։ Սակայն այս փոխատեղման արդյունքում շահել է Գագիկ Ջհանգիրյանի փեսան՝ Անրի Վարդանյանը, ով նշանակվել է Զվարթնոցի մաքսատան պետ։ Ի դեպ ամիսներ առաջ, նույն Ջհանգիրյանի փեսան ՊԵԿ փոխնախագահ Բադասյանի պահանջով հեռացվել էր ՊԵԿ իրավաբանական բլոկի վարչություններից մեկի պետի տեղակալի պաշտոնից։ Ըստ ՊԵԿ աղբյուրների՝ աշխատանքից ուշանալու պատճառով։ Ապա նշանակվել էր մեկ այլ վարչությունում, որպես տեղակալ՝ սպասելով լավ ժամանակների, որոնք, փաստորեն, արդեն եկել են։