Երևանի ընդհանուր իրավասության դատարանը հոկտեմբերի 5-ի երեկոյան 50 մլն դրամ գրավի դիմաց ազատ է արձակել նախօրեին Միացյալ Արաբական էմիրություններից Հայաստան էքստրադիցիայի ենթարկված Արամ Վարդանյանին՝ քրեական հեղինակություն «Վստրեչի Ապերին»:
Վարդանյանը տակավին երեկ էր արտահանձնվել Հայաստան, իսկ այսօր արդեն նրան ազատ արձակեցին գրավով։
Հիշեցնենք, որ հունիսի 4-ին, մի քաղաքացի հաղորդում էր տվել, թե անցած տարի Նորագավիթ թաղամասում մի սուպերմարկետի մոտից «Վստրեչի ապեր» մականվամբ Արամ Վարդանյանը և մի խումբ անձինք, նախնական համաձայնությամբ, բռնություն գործադրելով առևանգել են իրեն, տեղափոխել Վարդանյանին պատկանող Արցախի փողոցի մի շինություն, տևական ժամանակ իր կամքին հակառակ պահել այնտեղ, ծեծի ենթարկել ու մարմնական վնասվածքներ պատճառել:
Հուլիսի 30-ին Միացյալ Արաբական էմիրությունների Ինտերպոլից տեղեկատվություն էր ստացվել, որ նույն օրը Դուբայի օդանավակայանում Արամ Վարդանյանը հայտնաբերվել և ձերբակալվել էր:
00:00:00
