ՀՀ վարչապետ Նիկոլ Փաշինյանն այսօր կհանդիպի Ազգային ժողովի Հանրապետական խմբակցության ղեկավար Վահրամ Բաղդասարյանի հետ՝ քննարկելու արտահերթ խորհրդարանական ընտրություններ անցկացնելու հարցը: Այդ մասին հայտնել է ԱԺ «Ելք» խմբակցության ղեկավար Լենա Նազարյանը: Միաժամանակ  հայտնի է, որ  հանդիպման տեղի ու ժամի վերաբերյալ հստակ պայմանավորվածություն դեռևս ձեռք չի բերվել: Հիշեցնենք, որ Նիկոլ Փաշինյանը այսօր ֆեյսբուքյան ուղիղ եթերում հայտարարեց, որ սկսում է Ազգային ժողովի արտահերթ ընտրությունների հարցով խորհրդակցությունները: «Վերջին ամիսները ցույց տվեցին, որ խորհրդարանում վստահելի իրավիճակ չունենք», - ասել էր  վարչապետը: