Վայոց Ձորի մարզի Մալիշկա համայնքում շարունակվում են բողոքի ակցիաները եւ նստացույցն ընդդեմ՝ գործող գյուղապետ․ ՀՀԿ-ական Մհեր Մովսիսյանի։ Նշենք, որ մի քանի օր է գյուղաբնակները իրականացնում են խաղաղ անհնազանդության բողոքի ակցիաներ, այդ կերպ փորձելով հեռացնել համայնքը 16 տարի ղեկավարած գյուղապետին։Ինչպես փոխանցում է Irakanum.am-ի թղթակիցն այս պահին գյուղապետարանի շենքի դիմաց ընթանում է հանրահավաք, որի ժամանակ բողոքի ակցիան համակարգողները ներկայացնում են կոնկրետ փաստեր այն մասին, որ գյուղապետը անցնող տարիների ընթացքում որեւէ գործողություն չի արել։ Վայոց Ձորի մարզպետարանի պաշտոնական կայքում զետեղված է, որ Մալիշկա համայնքի ղեկավար Մհեր Մովսիսյանը իբրեւ թե գյուղում կազմակերպել է տոնական միջոցառումներ։ Մասնավորապես գյուղապետը, ըստ ցուղարարների ներկայացրել է, որ մարտի ութի, ապրիլի յոթի, մայիսյան եռատոներին միջոցառումներ է կազմակերպել, սակայն գյուղաբնակները փաստում են, որ նման միջոցառման ականատես իրենք երբեք չեն եղել։ Այս ամենի համար իհարկե ՀՀԿ-ական գյուղապետը համայնքի բյուջեից գումարներ է դուրս գրել։ Մհեր Մովսիսյանը նաեւ Սերժ Սարգսյանի նախընտրական ծրագիրը, որը իրականացվել է համայնքում ներկայացրել է, որպես սեփական գործունեության արդյունք։ Այս ամենը մեկ անգամ եւս հաշվի առնելով գյուղաբնակները հայտարարում են, որ չեն պատրաստվում այլեւս համակերպվել իրավիճակի հետ, եւ կշարունակեն իրենց պայքարն այքան ժամանակ, քանի դեռ ՄհերՄովսիսյանը հրաժարական չի ներկայացրել։ Մալիշկա համայնքի բնակիչները հրավիրում են նաեւ վարչապետ Նիկոլ Փաշինյանի ուշադրությունը համայնքում ստեղծված իրավիճակի վրա,եւ հայտարարում, որ եթե կառավարությունից արձագանք չլինի կփակեն միջպետական ճանապարհներ։ Տեսանյութը՝ այստեղ։