SHAMSHYAN.com-ի տեղեկություններով՝ երեկ՝ օգոստոսի 23-ին, ոստիկանության կազմակերպված հանցավորության դեմ պայքարի գլխավոր վարչության թմրամոլության ապօրինի շրջանառության դեմ պայքարի վարչության, ոստիկանության Երևան քաղաքի վարչության քրեական հետախուզության բաժնի և ՀՀ արդարադատության նախարարության «Արմավիր» քրեակատարողական հիմնարկի աշխատակիցները ստացված օպերատիվ տվյալներն իրացնելով՝ Երևան քաղաքի Իսակովի պողոտայում բռնել են Մալաթիա-Սեբաստիա վարչական շրջանի բնակիչ՝ 55-ամյա Վարդան Բադալյանին։ Վերջինս բերման է ենթարկվել ոստիկանության կենտրոնական բաժին, որտեղ ենթարկվել է անձնական խուզարկության ու նրա մոտ հայտնաբերվել է 200-ից ավելի «Մեթադոլ» տեսակի դեղահաբեր։ Փաստի առթիվ ոստիկանության կենտրոնական բաժնում նյութեր են նախապատրաստվում։ Վ. Բադալյանն աշխատում է «Արմավիր» քրեակատարողական հիմնարկում՝ որպես դեղագետ, իսկ նշված օպերացիան իրականացվել է ոստիկանության կողմից հայտարարված «Կանեփ-կակաչ 2018» համալիր կանխարգելիչ միջոցառումների շրջանակում։ Դեղագետը ստորագրությամբ բաց է թողնվել։