Դոնալդ Թրամփի նախկին փաստաբան Մայք Քոենը կասկածվում է 20 մլն դոլար յուրացնելու մեջ: Այս մասին հաղորդում է The New York Times-ը: Լրատվամիջոցը նշում է, որ իրավապահ մարմինների աշխատակիցները ստուգում են Քոենին հարկերից խուսափելու և բանկային գործարքների խարդախությունների մասով: Ամերիկայի նախագահի նախկին փաստաբանը կասկածվում է նաև նախընտրական արշավների մասին օրենքները խախտելու մեջ. նա գումար է վճարել կանանց, ովքեր սպառնում էին խոսել Դոնալդ Թրամփի հետ իրենց կապերի մասին: Քոենը աշխատել է Tramp Organization-ում ավելի քան տասը տարի: Նա այս տարվա մայիսին դադարեցրել էր նախագահի կազմակերպությունում իր աշխատանքը: