Ոստիկանության Մասիսի բաժնի և ՀՀ ՊՆ Ռազմական ոստիկանության ծառայողների համատեղ ձեռնարկած միջոցառումների արդյունքում օգոստոսի 1-ին՝ ժամը 01.50-ին, Կիև-Երևան չվերթի ինքնաթիռի ժամանումից հետո, «Զվարթնոց» օդանավակայանից բերման է ենթարկվել 1986 թ. ծնված Գրիգոր Ա.-ն: Ինչպես «Արմենպրես»-ին տեղեկացրել են ՀՀ ոստիկանության հասարակայնության հետ կապերի և լրատվության վարչությունից, նա 2018թ. ապրիլի 7-ից հետախուզվում էր ՀՀ քրեական օրենսգրքի 362 հոդվածի (դասալքությունը) 1-ին մասի մեղադրանքով: