Ղրղզստանում Հայաստանի քաղաքացի Լ. Ստեփանյանը 5 տարվա ազատազրկման է դատապարտվել խիստ ռեժիմով գաղութում: Նա մեղադրվում է դիտավորյալ առողջությանը ծանր վնաս պատճառելու մեջ:
Մեղադրյալի հարազատներից Անտոնինա Կվաստիանին վճիռը անօրինական եւ չհիմնավորված է համարում՝ հայտարարելով, որ կբողոքարկեն այն։
Հուլիսի սկզբին Ստեփանյանը փորձել է ինքնասպան լինել դատարանի դահլիճում։ Նա պնդում է, որ անմեղ է։
Ըստ մեղադրանքի՝ 2018 թվականի փետրվարի 23-ին Կանտի սրճարաններից մեկում Լ. Ստեփանյանի եւ տուժող Ռինատ Իսլամկուլովի միջեւ տարաձայնություն է առաջացել, որը վեճի է հանգեցրել։
Կվաստիանիի խոսքով, տուժողն ու մեղադրյալը քաշքշել են իրար, որից հետո վեճը դադարել է։ Իսկ փետրվարի 27-ին Ռինատ Իսլամկուլովը դիմել է ոստիկանություն։ Նրա խոսքով, տուժողը ձեւացրել է, թե վերքերը ծեծկռտուքի հետեւանքով է ստացել։
00:00:00
