Թուրքիայի իշխանությունները կարգադրել են ձերբակալել 270 զինվորականների իսլամական քարոզիչ Ֆեթուլահ Գյուլենի հետ համագործակցության կասկածանքով։ Գյուլենին Անկարան մեղադրում է 2016 թվականի հուլիսին հեղաշրջման փորձի կազմակերպման մեջ։ TRT Haber–ը նշում է, որ Թուրքիայի տասնյակ նահանգներում «ռեյդեր» են անցկացվում։ Ձերբակալվածների մեծ մասը գործող զինվորակններ են, նրանց թվում՝ 10 գնդապետ եւ մեկ պաշտոնաթող գեներալ: Նշենք, որ հեղաշրջման փորձից հետո շուրջ 160 000 մարդ է ձերբակալվել եւ նույնաքանակ պետական պաշտոնյաներ էլ ազատվել են աշխատանքից։ Ձերբակալվածներից շուրջ 77 000 մարդու մեղադրանք է առաջադրվել։