Yerkir.am-ի տեղեկություններով` ԱԺ ՀՀԿ խմբակցության պատգամավոր, ՀՀ նախկին ոստիկանապետ Ալիկ Սարգսյանը հանցագործության մասին հաղորդում է ներկայացրել ՀՀ հատուկ քննչական ծառայություն: Այս տեղեկությունը լրատվամիջոցի հետ զրույցում հաստատեցին ՀՔԾ-ից: Խոսքը նախկին ոստիկանապետից ենթադրյալ շորթում կատարելու մասին է: Ալիկ Սարգսյանն իրավապահներին հայտնել է, որ նախկին բարձրաստիճան պաշտոնյաներից մեկն արդեն տևական ժամանակ է` իր մասին արատավորող տեղեկություններ տարածելու սպառնալիքով, իրենից առանձնապես խոշոր չափերի գումար է պահանջում: