Թուրքիայի նախագահ Ռեջեփ Թայիփ Էրդողանը հայտարարել է պաշտպանության և անվտանգության ոլորտում եվրոպական նախաձեռնություններին երկրի առավել ակտիվ մասնակցության անհրաժեշտության մասին, քանի որ Անկարան ձգտում է հասանելիություն ստանալ Եվրոպայի ռազմական ներուժի հզորացմանն ուղղված ԵՄ նոր մեխանիզմներին, հայտնում է Turkish Minute-ը:

Ստամբուլում ՆԱՏՕ-ի անդամ երկրների խորհրդարանական պատվիրակությունների առջև ունեցած ելույթում Էրդողանն ընդգծել է, որ եվրոպական անվտանգության գործում Թուրքիայի ներդրումը «երբեմն թերագնահատվում է», և կոչ է արել իր երկիրը ներառել բոլոր համապատասխան նախաձեռնություններում։

Խոսքը, մասնավորապես, վերաբերում է շուրջ 150 միլիարդ եվրո բյուջե ունեցող եվրոպական SAFE ծրագրին Անկարայի հնարավոր մասնակցությանը, որն ուղղված է համատեղ պաշտպանական գնումներին և ԵՄ պաշտպանական արդյունաբերության զարգացմանը: Միաժամանակ, ծրագրին անդամակցելը պահանջում է ԵՄ բոլոր 27 երկրների համաձայնությունը, և, ինչպես նշվում է, Հունաստանը կարող է արգելափակել այդ որոշումը։

Էրդողանը միաժամանակ ՆԱՏՕ-ին կոչ է արել վերացնել դաշինքի երկրների միջև պաշտպանական արտադրանքի առևտրի բոլոր արգելքները՝ հայտարարելով պաշտպանական բեռի առավել արդարացի բաշխման անհրաժեշտության մասին։

Առանձնահատուկ նշվում է, որ Թուրքիայի պաշտպանական հատվածը բախվում է ամերիկյան պատժամիջոցների հետևանքներին, որոնք սահմանվել են ռուսական С-400  ՀՕՊ համակարգերի գնումից հետո, ինչպես նաև F-35 ծրագրից երկրի հեռացման հետևանքներին: Միաժամանակ, Վաշինգտոնը պատրաստակամություն է հայտնել հարթել տարաձայնությունները, սակայն պատժամիջոցների չեղարկումը պահանջում է ԱՄՆ Կոնգրեսի հավանությունը։

Դիտորդների տվյալներով՝ ԱՄՆ նախագահ Դոնալդ Թրամփը Էրդողանին «անակնկալ» է խոստացել, որը կարող է կապված լինել թուրքական KAAN կործանիչի համար ավիացիոն շարժիչների հնարավոր մատակարարումների