Ես հանդիպել եմ Լեհաստանի վարչապետ Դոնալդ Տուսկի հետ: Դոնալդը լավատեղյակ է ռուսական հրետակոծության հետ կապված իրավիճակին և այն մասին, թե ինչպես է այն օրեցօր սրվում: Այս մասին հայտնել է Ուկրաինայի նախագահ Վլադիմիր Զելենսկին։
«Ռուսները գործնականում անընդհատ օգտագործում են «Շահեդ» հրթիռներ: Միայն այսօր վիրավորվել է 52 մարդ: Օրվա ընթացքում ռուսական ուժերը հարվածել են խանութի, դեղագործական գործարանի և լոգիստիկ օբյեկտների: Կարևոր է, որ Լեհաստանը օգնի մեզ պաշտպանվել այս հարձակումներից:
Մենք մանրամասն քննարկել ենք բոլոր առկա սպառնալիքները և քայլերը, որոնք կօգնեն ամրապնդել մեր պաշտպանությունը ռուսական հարվածներից: Ես նաև շնորհակալություն եմ հայտնել Դոնալդին պատժամիջոցների վերաբերյալ նրա հստակ և սկզբունքային դիրքորոշման համար. չպետք է լինեն քայլեր, որոնք կօգնեն Ռուսաստանին շարունակել այս պատերազմը: Շնորհակալություն Դոնալդին և Լեհաստանին Ուկրաինային ցուցաբերած օգնության համար»,-նշել է նա։
