Լիբանանն ու Իսրայելը Վաշինգտոնում հունիսի 23-ին սկսել են բանակցությունների նոր փուլը։
«Արմենպրես»-ի հաղորդմամբ՝ ինչպես փոխանցում է Reuters-ը, այս մասին հայտարարել է Լիբանանի նախագահ Ջոզեֆ Աունը։
«Այսօր և առաջիկա օրերին մենք սկսում ենք բանակցությունների նոր փուլ, որը, հուսով ենք, վճռորոշ կլինի մեր երկրի և մեր ժողովրդի օգտին ցանկալի արդյունքի հասնելու համար», – նշել է նա X-ի միկրոբլոգում կատարած գրառման մեջ։
Ըստ աղբյուրի՝ ԱՄՆ Պետդեպարտամենտի խոսնակը հայտարարել է, որ բանակցություններին կմասնակցեն երկու երկրների ռազմական և քաղաքական պատվիրակներ, որոնց նպատակն է նպաստել կողմերի միջև համապարփակ խաղաղության և անվտանգության համաձայնագրի կնքմանը:
