2026 թվականի ապրիլի 1-ին ՌԴ նախագահ Վլադիմիր Պուտինը բանակցություններ կվարի ՀՀ վարչապետ Նիկոլ Փաշինյանի հետ, ով աշխատանքային այցով կգտնվի Մոսկվայում։ Այս մասին հայտնում են ՌԴ նախագահի մամուլի ծառայությունից։

Նշվում է, որ կողմերը նախատեսում են քննարկել հայ-ռուսական ռազմավարական գործընկերության և դաշինքի ներկա վիճակը և հեռանկարները, եվրասիական տարածաշրջանում ինտեգրացիոն համագործակցությունը, ինչպես նաև տարածաշրջանային արդիական հարցեր, մասնավորապես՝ Հարավային Կովկասում տնտեսական, տրանսպորտային և լոգիստիկ կապերի զարգացումը։