«Մոդուլ» շինարարական ընկերությունը, որը գրանցված է 2015 թվականից, վերջին տարիներին զգալիորեն մեծացրել է պետական գնումներին մասնակցության ծավալները։ Ընկերությունը մասնագիտանում է նախագծային փաստաթղթերի փորձաքննության և շինարարական ծրագրերի մշակման գործում։

2020 թվականի մայիսից մինչև 2024 թվականի հուլիսը ընկերության տնօրենը եղել է Նարինե Հակոբյանը։ Այս ժամանակահատվածում «Մոդուլ» ՍՊԸ-ի պետական պայմանագրերի քանակը հասել է 51-ի։ Հակոբյանը հանդիսացել է ընկերության միակ շահառուն։

Հակոբյանի ամուսինը՝ Եղիազար Վարդանյանը, 2024 թվականի մարտին նշանակվել է Քաղաքաշինության կոմիտեի նախագահ։ Մինչ այդ Վարդանյանը ղեկավարել է Ճարտարապետության և շինարարության համալսարանը, որտեղ էլ աշխատում է նրա հետագա գործընկեր Փայլակ Կարապետյանը։

Հակոբյանի՝ տնօրենի պաշտոնից հեռանալուց հետո «Մոդուլ» ՍՊԸ-ի ղեկավար է դարձել Փայլակ Կարապետյանը, ով շարունակում է զբաղեցնել համալսարանի ֆինանսական վարչության պետի պաշտոնը։

Քաղաքաշինության կոմիտեն, որը ղեկավարում է Վարդանյանը, գործում է ՀՀ կառավարության անմիջական վերահսկողության ներքո և զբաղվում է շինարարական ընկերությունների լիցենզավորմամբ ու մոնիթորինգով, ինչպես նաև կապիտալ շինարարական ծրագրերի իրականացմամբ։