ՀՀ զինված ուժերի սերժանտական կազմի 19 զինծառայող անցյալ ամիս Կանզաս նահանգում էր՝ մասնակցելու սերժանտական վերապարտաստումների «Փյունիկ» դասակի 9-րդ ամենամյա ծրագրին՝ Կանզասի ազգային գվարդիայի հետ, հայտնում են ՀՀ-ում ԱՄՆ դեսպանությունից։
«Հուլիսի 14-ից 25-ը ՀՀ ԶՈւ սերժանտական կազմի ներկայացուցիչները կատարելագործեցին իրենց հմտությունները, ծանոթացան ամերիկյան լավագույն փորձին՝ միաժամանակ ամրապնդելով մեր ժողովուրդների միջև կապերը։
Կանզասի ազգային գվարդիայի և ՀՀ զինված ուժերի փորձի փոխանակման այս ամենամյա ծրագիրը, որը միտված է արհեստավարժ սերժանտական կազմի ձևավորմանը, գերազանց հնարավորություն է ամրապնդելու մեր զինված ուժերի փոխգործակցելիությունը և խորացնելու հայ-ամերիկյան գործընկերությունը»,- ասվում է հաղորդագրությունում։
