Հայաստանի ազգային հավաքականի պաշտպան Հովհաննես Համբարձումյանը Ֆարերյան կղզիների հետ վաղը կայանալիք խաղից առաջ նշել է՝ ամեն ինչ անելու են տնային վերջին խաղում հաղթանակի հասնելու և երկրպագուների ուրախացնելու համար:
«Տարբերությունը մեծ չէ, թե որ դիրքում կխաղամ: Խնդիր չեմ տեսնի, եթե լատերալով խաղանք: Կապ չունի՝ որևէ բան ունենք վերցնելու, թե ոչ, մոտիվացիան միշտ մեծ է թե՛ իմ, թե՛ տղաների համար: Վերջին տնային խաղում փորձելու ենք գեղեցիկ ֆուտբոլ ցուցադրել և ուրախացնել մեր երկրպագուներին:
Մարզչի հետ կապված անորոշությունը չի ազդում հավաքականի ֆուտբոլիստների վրա: Բոլորը միշտ տրամադրված են լավ խաղալու և բարձր արդյունքներ գրանցելու»,- ասել է Համբարձումյանը:
Ապագա մարզչի մասին հարցին՝ Համբարձումյանը պատասխանել է՝ թե, ինչպիսի մասնագետ կլինի հավաքականի ղեկին, կորոշի ֆեդերացիան:
