ԱԺ ՔՊ խմբակցության պատգամավոր Արսեն Թորոսյանը ԱԺ-Կառավարություն հարցուպատասխանի ժամանակ փոխվարչապետ Տիգրան Խաչատրյանին ճանապարհային անվտանգության վերաբերյալ հարց ուղղեց:
Տիգրան Խաչատրյանը նշեց. «Գործում է ճանապարհային անվտանգության միջգերատեսչական հանձնաժողով ՆԳՆ-ի, ՏԿԵՆ-ի, առողջապահության նախարարության, մյուս մեր այն գերատեսչությունների մշտական մասնակցությամբ, որոնք իրենց գործառույթներում ունեն ճանապարհային անվտանգությանն առնչվող անելիքներ: Վերջին նիստը տեղի է ունեցել մեկ ամիս առաջ: Մենք ընդհատված նիստ ենք ունեցել` շարունակելու պայմանավորվածությամբ: Այնտեղ քննարկվում են բոլոր այն բաղադրիչներին վերաբերող հարցերը, որոնք կարող են ճանապարհային անվտանգությանը, այդ թվում` պատահարների հետևանքով թե՛ մարդկային կյանքերի, թե՛ առողջությանը հասցված վնասները կրճատելու նպատակ ունենալ»:
Փոխվարչապետն ընդգծեց, որ պատահարների հետևանքով զոհերի թվի այս տարվա ցուցանիշներն ավելի բարվոք են, քան նախորդ տարվանը, բայց դա չի նշանակում, որ խնդիրներն իրենց բնույթով դադարել են լինել:
