Լիտվայի Հանրապետության մայրաքաղաք Վիլնյուս կատարած աշխատանքային այցիս ընթացքում հանդիպել եմ Լիտվայի ԱԳ նախարար Գաբրիելուս Լանդսբերգիսի հետ: Այդ մասին ֆեյսբուքյան էջում հայտնում է ԱԽ քարտուղար Արմեն Գրիգորյանը։
«Գոհունակությամբ ընդգծել ենք Հայաստան-Լիտվա երկկողմ հարաբերությունների զարգացման բարձր դինամիկան թե՛ երկկողմ և թե՛ ՀՀ-ԵՄ համագործակցության շրջանակներում ու քննարկել հետագա փոխգործակցության ուղիները:
Քննարկել ենք նաև արտատարածաշրջանային անվտանգային իրավիճակն ու առկա մարտահրավերները:
Շնորհակալություն եմ հայտնել Գ. Լանդսբերգիսին համագործակցության համար և հաջողություններ մաղթել հետագա գործունեությունում»,- նշել է Գրիգորյանը։
