Փոխվարչապետ Մհեր Գրիգորյանը կաշկանդվածություն ունի անդրադառնալու այն հարցին, թե Ադրբեջանն ինչ մոտեցում ունի ՀՀ սուվերեն տարածք ներխուժելու փաստի վերաբերյալ։
«Մի քիչ կաշկանդված եմ պատասխանել, որովհետև մինչ օրս պահպանվել է այն կանոնը, որ ունենք պայմանավորվածություն հանձնաժողովներում, որ այս կամ այն հատվածի վերաբերյալ որևէ մեկնաբանություն չտանք, եթե միասին չենք քննարկել ու չենք հրապարակել դրա վերաբերյալ կողմերի դիրքորոշումները»,-ասաց նա։
Գրիգորյանն ասաց, որ հանրային խոսքում պայմանավորվել են սահմանազատման դետալների մասին սահմանափակված լինել։ Նա նշեց, որ գործընթացը զգայուն է ոչ միայն ՀՀ-ում, այլ նաև Ադրբեջանում։