Ադրբեջանի նախագահի հատուկ ներկայացուցիչ Էլչին Ամիրբեկովն «Ազատություն» ռադիոկայանի տարածաշրջանային թղթակից Ջոշուա Կուչերին տված հարցազրույցում նշել է, որ խաղաղության պայմանագրի ստորագրումն անհնար է, քանի դեռ Հայաստանի Սահմանադրությունը չի փոխվել: «Այս փաստաթուղթը տարածքային պահանջներ է պարունակում Ադրբեջանի նկատմամբ»,-Բաքվի անհեթեթ թեզը վերաշրջանառելով՝ կրկնել է Ալիևի հատուկ ներկայացուցիչը։ Նա նշել է, որ դա այս պահին խաղաղ գործընթացի միակ խոչընդոտն է, նաև հավելել, որ այդ հարցը ՀՀ վարչապետ Նիկոլ Փաշինյանը քննարկել է Ադրբեջանի ներկայացուցիչների հետ:

«Դեմոկրատական այլընտրանք» կուսակցության նախագահ, քաղաքագետ Սուրեն Սուրենյանցը Irakanum.am–ի հետ զրույցում հայտարարել է, որ ըստ էության ՀՀ իշխանությունները հերթական անգամ կկատարեն Բաքվի պահանջը։ Նա միաժամանակ ուշադրություն է հրավիրել Էլչին Ամիրբեկովի մեկ այլ հայտարարության վրա, նշելով, որ խիստ վտանգավոր իրավիճակում ենք։

Մանրամասները՝ տեսանյութում։