ԱՄՆ-ը դադարեցնում է օգնությունը Վրաստանի կառավարությանը։ Այս մասին հաղորդվում է պետքարտուղար Էնթոնի Բլինկենի հայտարարության մեջ։
«Վրաստանի կառավարության հակաժողովրդավարական գործողություններն ու կեղծ հայտարարությունները անհամատեղելի են ԵՄ-ին և ՆԱՏՕ-ին անդամակցելու նորմերին։ Մինչ մենք այս գործողությունների պատճառով դադարեցնում ենք Վրաստանի կառավարությանը տրամադրվող օգնությունը, Միացյալ Նահանգները կշարունակի աջակցել Վրաստանի ժողովրդին օգուտ բերող ծրագրերին և գործողություններին՝ ամրապնդելով ժողովրդավարությունը, օրենքի գերակայությունը, անկախ լրատվամիջոցները և տնտեսական զարգացումը»,- ասվում է հայտարարության մեջ, հաղորդում է «Ամերիկայի ձայն»-ը:
