Վարչապետ Նիկոլ Փաշինյանը Սիսիանի ավագ դպրոցի աշակերտների հետ հանդիպմանը նշեց՝ պետք է ամեն ինչ անել, որ մարզերում կյանքն ավելի ազատ և հետաքրքիր լինի։
«Շատ երիտասարդներ կրթություն ստանալուց հետո չեն վերադառնում մարզեր՝ բնակվելու, այդ թվում այն պատճառով, որ համայնքի ճնշումը մեծ է, ինչքան համայնքը փոքր է, ճնշումն ավելի մեծ է»,-ասաց վարչապետ Նիկոլ Փաշինյանը։
«Մարդն ինքը պետք է որոշի՝ ինչ գույնի շոր հագնի, որովհետև գյուղական, մարզային համայնքներում կարող են ասել․ «Վա՜յ, էս ինչ շոր ես հագել, մազդ խի՞ ես սենց կտրել, ամոթա, էտ կոշիկդ մի հագի»։ Մարդն ուզում ա ազատ ապրի, հագնի էն շորը, որն ուզում է, բայց կան ավանդույթներ, համայնքն ուզում է որոշի՝ դու կհագնես սև, դու՝ սպիտակ, կոշիկդ լինի ծիծակ։ Բայց էսօրվա երիտասարդն էն չի, որ ասի թաղի մեծերն ասեն, ես էլ տրեխները հագնեմ, գնամ փողոց, ոչ մեկ չի ուզում»,-ասաց նա։
Ըստ Փաշինյանի՝ սրճարաներ չկան, որ երկու ընկերուհի գնան նստեն մի հարց քննարկեն, դրա համար խնդիր են դրել երիտասարդական կենտրոններ՝ լոֆտեր բացեն։
