«Չեն բացառվում բոլոր քաղաքական լուծումները։ Ինչ կլինեն դրանք, ընթացքը ցույց կտա»,- «Տավուշը հանուն հայրենիքի» շարժման հանրահավաքին հաջորդած երթի ժամանակ լրագրողներին ասաց շարժան առաջնորդ Բագրատ արքեպիսկոպոս Գալստանյանը՝ պատասխանելով հարցին, որ հարթակից հայտարարեցիք՝ Նիկոլ Փաշինյանի հրաժարականը շարունակում է մնալ ձեր պայքարի օրակարգում, սակայն քննարկելի են նաև քաղաքական մյուս լուծումները, խոսքը արտահերթ ընտրությունների մասի՞ն են։
Հարցին՝ եթե արտահերթ ընտրություններ օրակարգ բերվի, Բագրատ Սրբազանը պատասխանեց. «Կքննարկենք»։
ԱԺ-ում արտահերթ նիստ գումարելու մասին՝ Սրբազանն ասաց. «Մենք հանձնարարել ենք ընդդիմադիր խմբակցություններին, թող զբաղվեն։ Դա իմ խնդի՞րն է։ Ոչ»։
