Հայաստանի ԱԳՆ-ի կայքում մինչև օրս բացակայում են «Լեռնային Ղարաբաղ» և «44-օրյա պատերազմ» բաժինները։
Հիշեցնենք, որ բաժինների անհետացումը բացահայտվել էր դեռ այս տարվա փետրվարին։
Այնուհետ ԱԳՆ-ն տեղի ունեցածը բացատրել է, թե պատճառը «կայքի թարմացումն է»։ Դուրս է գալիս, որ ՀՀ ԱԳՆ չորս ամիսը բավարար չէ իր կայքի բաժինները «թարմացնելու» համար։
Տարօրինակ զուգադիպությամբ նյութերն անհետացել են անմիջապես այն բանից հետո, երբ Բաքուն հայտարարեց, թե իրենք «խնդիր են տեսնում Հայաստանի արտգործնախարարության կայքում», քանի որ այնտեղ «Արցախը պատմական Հայաստանի անբաժանելի մասն է» նշագրում կա։
