Բելառուսի նախագահ Ալեքսանդր Լուկաշենկոն շնորհավորել է Հայաստանի վարչապետ Նիկոլ Փաշինյանին՝ ծննդյան օրվա առթիվ:
«Խնդրում եմ, ընդունեք շնորհավորանքներ ծննդյան օրվա առթիվ, մաղթում եմ քաջառողջություն և ուժ՝ Ձեր ժողովրդին ծառայելու բարձր առաքելությունը կատարելու համար:
Դուք փորձառու քաղաքական գործիչ եք, և մեկ անգամ չէ, որ համոզվել եք, որ միջազգային հարաբերություններում ամենաճիշտ կողմնացույցը հանրային դիվանագիտությունն է և դա մեզ միշտ դիպուկ մատնանշել է դեպի մերձեցում և համագործակցություն: Եթե մենք գնանք այս ճանապարհով, եթե գնանք մեր փառապանծ նախնիների դարավոր ավանդույթներին, ապա միասին կկարողանանք հասնել շատ ավելիին, զգալի հիմքն արդեն ստեղծվել է»,- ասվում է շնորհավորանքում։
Լուկաշենկոն իր համոզմունքն է հայտնել, որ առևտրի, արդյունաբերության և հումանիտար ոլորտում առկա զարգացումները լրացուցիչ հնարավորությունների հորիզոններ կբացեն Մինսկի և Երևանի համար։
«Ես ակնկալում եմ շարունակել կառուցողական երկխոսությունը մի շարք հարցերի շուրջ, ինչպես երկկողմ ձևաչափով, այնպես էլ միջազգային և ինտեգրացիոն հարթակներում:
Խաղաղություն և բարգավաճում՝ Ձեր ընտանիքին և բարեկամներին», - մաղթել է Ալեքսանդր Լուկաշենկոն:
