Ռուսաստանի նախագահ Վլադիմիր Պուտինը մտադիր է այցելել Չինաստան՝ իր նոր նախագահական ժամկետից մեկ շաբաթ անց՝ նման կերպ ընդգծելով երկու երկրների միջև կապերի աճող կարևորությունը, գրում է Bloomberg-ը։ Այցը՝ ըստ Կրեմլի ծրագրերին ծանոթ աղբյուրի՝ նախատեսված է մայիսի 15-16-ը։ Ամսաթվերը կարող են փոքր-ինչ փոխվել:
Ամեն դեպքում, Չինաստանի առաջնորդ Սի Ծինպինի հետ բանակցությունների համար Պուտինի ուղևորությունը Կրեմլում մայիսի 7-ի երդմնակալության արարողությունից հետո կդառնա նրա առաջին արտասահմանյան այցը։ Պուտինն, ի թիվս այլ հարցերի, կքննարկի Ռուսաստանի և Չինաստանի միջև ապրանքաշրջանառության ծավալների մեծացման հնարավորությունը։
