Մադրիդից Փարիզ թռչող Transavia France ավիաընկերության ինքնաթիռն արտակարգ իրավիճակի ազդանշան է տվել և վայրէջք կատարել Ֆրանսիայի հարավ-արևմուտքում գտնվող Բորդոյում, տեղեկացնում է ռիա Նովոստի-ն:
Նշվում է, որ թռիչքի տվյալների համաձայն՝ ինքնաթիռը Մադրիդից մեկնել է Մոսկվայի ժամանակով ժամը 17:11-ին և ուղղություն է վերցրել դեպի հյուսիս-արևելք։ Սակայն Մոսկվայի ժամանակով ժամը 17:41-ին այն արտակարգ իրավիճակի ազդանշան է տվել՝ 7700 կոդով, և կարճ ժամանակ անց վայրէջք է կատարել Բորդո-Մերինյակ միջազգային օդանավակայանում։
7700 կոդը ունիվերսալ տրանսպոնդերի կոդ է, որն օդաչուներն օգտագործում են ինքնաթիռում ընդհանուր արտակարգ իրավիճակի դեպքում։ Սակայն այն պարտադիր չէ, որ կապված լինի աղետի անմիջական սպառնալիքի հետ։
